"Автоваз" концернінің басшысы Шығыс Қазақстандағы көлік зауытының құрылысын жеделдетуге уәде берді

25 Мая 2016 1954 Автоваз, Қазақстан, көлікзауыты

Алматы. 25 мамыр. Ақпараттар орталығы. «Автоваз» ААҚ президенті Николь Мор Қазақстанға келген сапарында концерннің Өскемендегі көлік құрастыру зауытының құрылысын жеделдететініне уәде берді.

«Бипэк авто – Азия авто» әріптестігі – ол біздің Қазақстан мен ТМД елдері нарығындағы басты тақырыбымыз. Жаңа менеджменттің келуіне орай бұл стратегия өзгеріссіз қалады. Оның үстіне біз Қазақстанда ортақ жобаларды жүзеге асыруға ниеттіміз. Және осы мақсатпен мен Өскеменде салынып жатқан өндіріс алаңын тұрақты аралауға ниеттімін», - деді Н. Мор.

Ол толық циклдің жаңа қуаты Автоваздың Ресей сыртындағы аса ірі өндірісі болатынын атап өтті. Шығыс Қазақстандағы көлік өндірісі ТМД басқа елдерінің нарығына концерннің экспорттық жеткізілімін дамыту үшін форпост болуы керек.

«Біздің қазақстандық әріптесіміз қазірдің өзінде Ресейдің 12 қаласында, сонымен қатар Түркіменстан мен Қырғызстанда жұмысына кірісті, кезекте – Моңғолия мен Тәжікстан. Бүгін біз сыртқы нарықтағы біздің әріптестігіміздің географиясын кеңейтудің кезекті кезеңін талқыладық», - деді Н. Мор.

Ол жыл сайын 120 мың қол жетімді көлік пен көлік құрамдастарын шығару Қазақстанда аса ірі көлік құрастыру өндірісін дамытып қана қоймайтынын айтты. Оқшаулаудың жоғары деңгейі мен экспорттағы фокус жалпы елдегі сауда балансының жағдайын жақсартуға мүмкіндік береді.

Жаңа өндірістің инженерлік инфрақұрылым құрылысы 2016 жылы аяқталады.

«Келесі бірінші кезектегі міндет– біздің жобаны қарызға дұрыс қаржыландыруды қамтамасыз ету. Бұл біздің премьер-министр Кәрім Мәсімовпен талқылаған тақырыптарымыздың бірі және оның түсіністігіне ие болдық », - деді Автоваз басшысы.

«БИПЭК АВТО-АЗИЯ АВТО» Компаниясы тобының баспасөз қызметінің ақпарынша, «Азия авто Қазақстан» АҚ толық циклдағы көлік өндірісінің жобасы дәнекерлеу және бояу режиміндегі 120 мың көлік шығаруды, сондай-ақ, Өскемен қаласында көлік құралдарын шығаратын технопарк құрылысын қарастырып жатыр.

Өндіріс қуатын жобалау мен оның құрылысына, жобаның сату және логистикалық инфрақұрылымын қалыптастыруға «БИПЭК АВТО – АЗИЯ АВТО» холдингі өз қаражатынан $55 млн астам сома жұмсады.

Жобаның бірінші кезеңінің базалық қуатына қажет капитал салымдарының көлемі $380 млн. құрайды.